Anjela Duval  
Er c’hoad

Er c’hoad

 

War ballenn vlot ar c’hoad

Mont a bazioù voulouz

Azezañ ouzh ho troad

Er brizhheol, en didrouz.

Pell eus tabut an dud.

Selaou sarac’h ho teil…

Ha flourañ a bep eil

Gant va dorn ha va sell…

A vouezh dous ho kervel

A-bouez hoc’h anvioù-hud :

Derv-gwenn. Koad-kren

Skav-gwrac’h. Faou-put

Evor. Aozilh. Bezv-gwenn

Va mil mignonez mut !…

 

2 a viz Kerzu 1967

 

Gant he zad hag he mamm (1927),
 
Degemer |  Roll ar barzhonegoù |  Anjela Duval hiziv
  © Anjela Duval - Pep gwir miret strizh evit an holl vroioù