Ar suilh-raden

 

Deiz kentań a viz Mezheven,

Put an avel, ha lemm, ha yen.

Antronoz vintin ’voe rev gwenn.

(Amań ’lavaromp suilh-raden.)

Pebezh glac’har war an draonienn,

’Lec’h m’eo tremenet ar wagenn !…

Ha mont ’ra ’vel ur wazhienn,

’N ur rostań ’n traoů bep ma tremen.

’N avaloů-douar erru kaer ;

Ar bleuńv avaloů ’n o splannder ;

’Raden nevez ’n danvez-gouzil ;

Rostet int holl ’vel war ur c’hrilh.

Hag ar c’hraoń-poullig, va Doue !

Pa welo se ar vugale…

— ’Vit ar bloaz, emezo, ’vo kraoń —

Suilhet eo ar brońsoů krec’h-traoń.

Trubuilh war drubuilh da Fańch Kouer

O va Doue ! Pebezh micher !…

Koll a bep tu. — N’eo ket hep mar

Eo ken dilezet an Douar…

 

4 a viz Mezheven 1962