An div dervenn gozh

 

Gweet hag adweet o skourroù

Hañval ouzh kozhidi seizet o izili

gant ar remm. Kramennet ha roufennet

don o dremm. Tarvoal eo o fennoù

Kozh int. Kozh-Noe.

Nouspet gwech o deus bet kant vloaz.

Nouspet gwiskad gwignenn a wisk

o c’halon derv.

Istor ur bloaz gwriziet war bep gwiskad

Istor rummadoù ha rummadoù

A vugale, a yaouankiz, a gozhidi

Rak buhez ha birvilh a zo bet en o brizhheol

… O-unan emaint-i bremañ — Vandaled

O deus roet lamm d’o c’hoarezed —

Ha goullondoret eo ar c’hontre…

Gwech un tremener — pa’z eus anezhañ

Ur arzour pe ur Barzh — a ra un arsav

O c’hevarc’h gant doujañs,

Souezhet gant meurded o Gened

Ha hiraezh o digenvez.

 

9 a viz Gouere 1967