Ar Staol goullo

 

Dibrennet am eus ar morailh

Sioul hag abaf evel ur bugel

O vountań e fri da guriuziń

Ha doaniet ’vel pa zigoran mintin abred

War ul loen klańv.

… Gouzout mat a raen ’oa goullo ar staol

Hogen seblantout ’rae din gwelout o skeud.

N’am eus disońjet anv hini

Nag o liv, nag o flas a-hed ar voger.

Amań a-zehou : al leueoů bihan

A-gleiz : an Tad-saout

— Atav ’veze anvet « Tourin » —

En tu-mań an annoarezed

En tu all ar saout-laezh.

… Goullo ! Pennadoů kerdin zo chomet

Skoulmet war ar seulbennoů.

Ul labous a dreuz ar c’hraou

— O kevnita d’e neizhiad —

Adserriń a ran, goustad

Hag ez-anienel

E teu war va muzell

Ar gomz a lavar bemnoz pep tieg

Pa brenn war e loened

… Met ha bez’ int-i c’hoazh bev

’N un tu bennak ?

 

29 a viz Mezheven 1967