Anjela Duval  
An divaskell

An divaskell

 

— Na me ’garfe nijal evel ar wennili

            E c’harme ur bugel

            Me ’savfe evelti

            Uhel, uhel, uhel

Bete dorozioů aour ar Palez peurbadel.

            Pa glevas ar vammig

            Ar mennad-se ken kaer

            ’Lavaras d’he mabig

— Mard eo ’vit da Zoue tostaat

            Emezi, out o huanad’

Kemer da lańs ha sav en aer.

            Souezhet ar bugel

            A respont dezhi

            — N’on ket ur wennili !

            N’am eus ket divaskell !

            — Divaskell hoc’h eus va bugel

            — Divaskell, me ! Da zibradań ?

            Da nijal d’al lec’h a garan ?

            — Hag hoc’h eus, mabig-me

            Hoc’h eus sur divaskell :

Unan eo ar Bedenn. Eben ar Garantez.

 

6 a viz Mezheven 1967

 

"""Ya, ober 'ran gwerzennoů. Met ne blij tamm ket din bezań anvet barzh!"""
 
Degemer |  Roll ar barzhonegoů |  Anjela Duval hiziv
  © Anjela Duval - Pep gwir miret strizh evit an holl vroioů