Anjela Duval  
Ar C’hreñj kozh

Ar C’hreñj kozh

 

Gant doujañs ur pirc’hirin

E porched ur santual

On chomet d’arvestiñ

Ouzh an daolenn ; mantret.

… Tro-dro war gement ibil

Akipajoù a-’stribilh

Harnez poultrennet, kevnidet

— Dremmoù trist ar re zilezet —

            … ’N ur c’horn : ar bilerez-lann

            Ha binvioù all dic’hizet

            Mirdi pe Relegouer ?

            Digor d’ar pevar avel

            Ezhomm ebet a zor

            Den na zeufe da skrapañ

            Da betra ? — N’eo ket gant lêr

            ’Vez sterniet marc’hoù dir

            Ha n’eo ket gant lann-pil

            E vezont-i maget…

 

29 a viz Mae 1967

 

"""He selloù voulouz du - o tont deus kened he yaouankiz - a dremene a-rez stern he lunedoù (…)"""
 
Degemer |  Roll ar barzhonegoù |  Anjela Duval hiziv
  © Anjela Duval - Pep gwir miret strizh evit an holl vroioù