Chandelour

 

E Beure sin C’hwevrer nevez

Gouleier o lintrań a zihun an Erc’h

Hag an Erc’h da atersiń an Avel but

— Petore gouel er mintin-mań en deus

enaouet gwerennoů ar chapel gozh ?

— An dud zo diboell a respont an Avel

Goap a reont ouzhimp. O klask hor

lakaat da grediń emań an Nevez-Amzer

Ha te war o zreuzoů !

Ha me o sutal dezhe ’n o divskouarn

E kanont bepred d’ar sklęrijenn didrec’hus

— Ar Sklęrijenn ? eme an Erc’h ?

Me eo ar sklęrijenn !

Ar c’hannder nemedon !

Ar splannder nemedon !

— Me, eme an Avel, zo o vont da

c’hwezhań war o gouleier da zeskiń dezho.

— C’hwezh ! Avelig put !

Eme an Dud. N’he lazhi ket !

Ne lazhi ket hon Esperańs !

Ne lazhi ket hor Spi. Na ne ri

— Ha gouzout a rez-te end-eeun

Petra ’deu da vezań ar flammennoů

a c’hwezhez diwar hor c’hantolioů ?

Ur marzh ! Meurzh o mir !

O gwelout a ri adarre o lintrań

E beskennoů gwelevus ar Roz-Kamm !

 

23 a viz Genver 1967