Ar Barzh Paour

 

                        I

Me zo ganet en un ti plouz

’Kreiz ar maezioů glas ha didrouz

E koantań traonienn zo ’n Treger

Ma red enni sioul al Leger

            Kan an avel er gwez uhel

            ’Deus va luskellet em c’havell

                        II

Me zo ganet diouzh ar mintin

Pa darzh an Heol war Runivin

Pa gan ar mesaer er prad

Pa gan ar pinterig er c’hoad

            Pa sav en aer an alc’hweder

            Da ganań e gantik seder.

                        III

Me zo ganet d’an nevez-hańv

Pa ’mań ’r goukoug krog da ganań

Pa ’mań distro ar gwennili

Neizhoů dre-holl ha kaniri

            Kentań muzik am eus klevet :

            Kan ha richan al laboused !

                        IV

Me zo ganet da goulz ar bleuńv

Pa vez ul liorzh war bep kleuz

Trompilhoů aour er prajeier

Ha bleuńv spern-gwenn ’leizh ar girzhier

            Kentań mousc’hoarzh am boa-me graet

            A oa d’un tro-heol arc’hantet.

                        V

Pa rankin kuitaat ar Bed-mań

Marteze ’vo d’un nevez-hańv

Marteze ’vo en va zi-plouz

E maezioů Breizh sioul ha didrouz

            Pa guzho ’n Heol a-dreńv ar roz

            Ha pa gano an eostig noz.

                        VI

Klaskit er prad trompilhoů aour

D’ober ur boked d’ar barzh paour

Klaskit er c’harzh bleunioů spern-gwenn

D’ober d’ar barzh ur gurunenn

            Hag en ivinenn ’us d’am bez

            An eostig ’gano d’abardaez.

 

Meurzh 1964