Anoaz

 

… Ya da, den fallakr

Plijadur ’ra dit va dienez

Ha n’out ket ’vit kuzh da blijadur

’Leizh da c’henoů bras a lârez

« Me am eus dastumet madoů

Me am eus arc’hant, tiez, douaroů

— Ha te ? petra ’c’h eus graet te ? »

            … An hini a c’hoapaez

            Va faotr kaezh,

Kement ha te en deus poaniet

Met sede : e jiletenn

’Oa ket ken frank ha da hini.

Eveldout ne ouie ket eń

Tennań dour d’e vilin…

            Met tevel a rankan

Ar paour n’en deus gwir all ebet

Nemet tevel !

            … Goude tout, selaou :

Da vern madoů ? N’o c’hoantaan tamm

Te avat n’ac’h eus ket a-walc’h c’hoazh,

Karout ’rafes zoken kaout ivez va zamm

Ha va lakat war an douar noazh

Ha c’hoazh e c’hoarzhfes gant da c’henoů bras

Un deiz koulskoude fougeer

Un deiz ’n em gavo

Ha ne dalvezo

            Ket kalz muioc’h da ludu

                        Eget va hini…

 

Here 1965